තරඟ කොන්දේසි සිංහල හා දෙමළ භාෂා මාධ්‍යයෙන් තරඟය පැවැත්වෙන අතර සමූහ ගායනයක් වශයෙන් ඉදිරිපත් කල යුතුය. කාලය උපරිම විනාඩි 03 කි. සහභාගී විය හැකි පිරිස උපරිම 15 දෙනෙක් හා අවම පිරිස 10 දෙනෙකි. (ගායන, වාදන, ගී පද රචනය සහ තනු නිර්මාණය යන සියළු සාමාජිකයින්) එක් අයදුම්කරුවෙක් හට ඉදිරිපත් විය හැක්කේ එක් භාෂා මාධ්‍යකින් පමණි. තරඟය සදහා ඔබ විසින් නව නිර්මාණ ගීතිකාවක් ඉදිරිපත් කල යුතුය. එය කුමන හෝ තරඟයක්වත් ජයග්‍රහණය කර නොතිබිය යුතු අතර එම නිර්මාණ මීට ඉහතදී තැටිගත වී නොතිබිය යුතුය. (නව නිර්මාණයක්ම විය යුතුය) මීට අමතරව දෙපාර්තමේන්තුව විසින් ලබා දෙන පොදු ගීතිකාවක්ද ගායනා කල යුතුය. ඔබ විසින් නිර්මාණය කරන ලද ගීතයෙහි පහත සදහන් ගුණාංග තිබිය යුතුය. අර්ථවත් පද මාලාවක් හා ගී තනුව ගුණාත්මක භාවයකින් යුක්තවිය යුතුය. අර්ථාන්විත පණිවිඩයකින් යුක්ත විය යුතුය. ඔබ කණ්ඩායම විසින් ඉදිරිපත් කරන නව නිර්මාණය සදහා ගී පද රචනය සහ තනු නිර්මාණය ලබා දෙන අයගේ එකගතාවය අයදුම්පත්‍රයේ සදහන් කර සහතික කර එවිය යුතුය.