ප්රාදේශීය සභා බල ප්රදේශය තුළ පිහිටි සභාව සතු මාර්ග (ප්රාදේශීය සභා මාර්ග) පලුදු කරමින් නව ජල සබඳතා ලබාගැනීම හෝ ජලනල පද්ධති එලීම සඳහා පූර්ව ලිඛිත අවසරයක් ලබාගැනීම අනිවාර්ය වේ. අවසරයකින් තොරව මාර්ග පලුදු කිරීම දඬුවම් ලැබිය හැකි වරදකි.
අවසරය ලබාගැනීමේ පියවර
- 01
අයදුම්පත ඉදිරිපත් කිරීම: ජල සම්පාදන හා ජලාපවහන මණ්ඩලයෙන් ලබාදුන් ජල සබඳතාවය අනුමත කළ ලිපිය සමඟ ප්රාදේශීය සභාව වෙතින් ලබාගන්නා "මාර්ග පලුදු කිරීමේ අයදුම්පත" සම්පූර්ණ කර කාර්යාලයට භාරදිය යුතුය.
- 02
ස්ථානීය පරීක්ෂාව: සභාවේ තාක්ෂණික නිලධාරී (Technical Officer) හෝ මාර්ග පරීක්ෂකවරයා විසින් අදාළ ස්ථානය පරීක්ෂා කර, පලුදු කිරීමට නියමිත මාර්ගයේ දිග, පළල සහ මාර්ගයේ ස්වභාවය (තාර, කොන්ක්රීට්, කාපට් හෝ බොරළු) මැන බලා ඇස්තමේන්තුවක් සකස් කරනු ලබයි.
- 03
ගාස්තු ගෙවීම: තාක්ෂණික වාර්තාවට අනුව පලුදු කළ මාර්ගය සභාව විසින් නැවත යථා තත්ත්වයට පත්කිරීම සඳහා යන වියදම සහ පරිපාලන ගාස්තු අයදුම්කරු විසින් සභා අරමුදලට ගෙවිය යුතුය. එමෙන්ම අදාළ වර්ෂයේ දෙසැම්බර් 31 වන දින දක්වා වරිපනම් මුදල් (හිඟ ඇතුළුව) ගෙවා තිබිය යුතුය.
- 04
අවසරය ලැබීම: ගාස්තු ගෙවීමෙන් පසු එම අදාළ රිසිට් පත ජල සම්පාදන හා ජලාපවහන මණ්ඩලය වෙත ඉදිරිපත් කළයුතුය.
මාර්ග පලුදු කිරීමේදී පිළිපැදිය යුතු වැදගත් නීති සහ කොන්දේසි
- නැවත පිරවීම: නල එලීම අවසන් වූ වහාම කපන ලද කොටස පස් සහ ගල් දමා නිසි ලෙස තලා මට්ටම් කළ යුතුය.
- ප්රතිසංස්කරණය: මාර්ගය නැවත ප්රීලීක්ස් (Premix) දමා පෙර තිබූ තත්ත්වයට පත්කිරීම සභාව විසින් සිදු කරන අතර, ජලය ලබාගත් පසු ඒ බව ලිඛිතව ප්රාදේශීය සභාවට දැනුම් දිය යුතුය.
විශේෂ අවධානයට: මාර්ග සංවර්ධන අධිකාරිය (RDA) හෝ පළාත් මාර්ග සංවර්ධන අධිකාරිය (PRDA) සතු ප්රධාන මාර්ග පලුදු කිරීම සඳහා අවසර ලබාගත යුත්තේ අදාළ ආයතනවලින් පමණි. ප්රාදේශීය සභාව මඟින් අවසර දෙනු ලබන්නේ සභාව සතු ග්රාමීය සහ අතුරු මාර්ග සඳහා පමණි.
