සංස්කෘතික උරුමය
ස්වාභාවික සෞන්දර්යය
ආගමික උරුමය
ප්රගතිශීලී බලපිටිය වැසි ආදරණීය ජනතාව වෙත ද, අප සභාවේ නිල වෙබ් අඩවිය වෙත පිවිසෙන ඔබ සැම වෙත ද මාගේ හෘදයංගම ප්රණාමය පළ කර සිටිමි.ඓතිහාසික, සංස්කෘතික හා පාරිසරික උරුමයෙන් පෝෂිත අප බලපිටිය, නූතනත්වයට අනුගත වූ සෞභාග්යමත් මෙන් ම ආදර්ශමත් බලප්රදේශයක් බවට පත් කිරීම අපගේ ප්රධානතම අභිලාෂය යි. ජනතාවට වඩාත් පාරදෘශ්ය, කාර්යක්ෂම හා ඩිජිටල් තාක්ෂණයෙන් සන්නද්ධ රාජ්ය සේවාවක් සපයමින්, යටිතල පහසුකම් නැංවීම උදෙසා අප සභාව නිරන්තරයෙන් ම කැප වී සිටින්නෙමු.
මාදූ ගඟ ජෛව විවිධත්වය සුරකින තිරසාර සංචාරක ව්යාපාරයක් මෙන් ම, ප්රදේශයේ සම්ප්රදායික කර්මාන්ත සබල ගන්වන ග්රාමීය ආර්ථිකයක් නිර්මාණය කිරීම අපගේ ඉදිරි මහා සැලසුම යි. අතීතයේ උදාර අභිමානය හදවතින් ම දරාගෙන, හෙට දිනයේ අභියෝගයන් අභීත ව ජය ගනිමින් සුරක්ෂිත බලපිටියක් ගොඩනැඟීමේ මේ සංවර්ධන ගමන් මඟට ඔබ සැමට සාදරයෙන් ඇරයුම් කරමි!
බලපිටිය ප්රාදේශීය සභාවේ නිල වෙබ් අඩවිය වෙත පිවිසෙන ඔබ සැම වෙත මගේ හෘදයංගම ප්රණාමය පළ කර සිටිමි.පළාත් පාලන පද්ධතියේ පරිපාලනමය නායකත්වය ලෙස, ගරු සභාපතිතුමන් ඇතුළු මන්ත්රී මණ්ඩලය විසින් ගනු ලබන මහජන හිතවාදී තීරණයන් සහ සංවර්ධන සැලසුම් ප්රායෝගික යථාර්ථයක් බවට පත් කිරීම අපගේ මූලික ම වගකීම යි. විනයගරුක, කාර්යක්ෂම, පාරදෘශ්ය හා සානුකම්පිත සේවා සංස්කෘතියකින් යුතු කාර්ය මණ්ඩලයක් මෙහෙයවමින්, බලපිටියේ සෑම පුරවැසියෙකුට ම ගෞරවාන්විත හා කඩිනම් රාජ්ය සේවාවක් සැලසීමට අප පරිපාලනය බැඳී සිටින්නෙමු.
නවීන තොරතුරු තාක්ෂණයෙන් සන්නද්ධ ඩිජිටල් රාජ්ය සේවාවක් (E-governance) ස්ථාපිත කරමින්, සභාව සතු මූල්ය සම්පත් අතිශය විචක්ෂණශීලී ව කළමනාකරණය කරමින් බලපිටියේ අනාගත අභිවෘද්ධිය වෙනුවෙන් අප කැප වී සිටින්නෙමු. අප සභාවේ සංවර්ධන ගමන් මඟ උදෙසා ඔබ සියලු දෙනාගේ ම සහයෝගය සාදරයෙන් අපේක්ෂා කරමි!
බලපිටිය ප්රාදේශීය සභාවේ 2025 අගෝස්තු මස මාසික මහ සභා රැස්වීම
වැඩි විස්තර
Clean sri lanka – ලස්සන වෙරළට තීරයක් සහ ආකර්ෂණීය සංචාරක ගමනාන්තයක් ඇති කිරීම සඳහා වන වැඩසටහන යටතේ බලපිටිය කොට්ඨාසයේ වෙරළ තීරයේ කොස්ගොඩ, අහුන්ගල්ල, බ්රහ්මණවත්ත, වැල්ලවත්ත යන ස්ථාන 4 පිරිසිදු කිරිම
වැඩි විස්තර
2025/07/26 වන දින සීනිගොඩ පොදු සුසාන භූමිය සහ ගල් පාලම යන ස්ථානයන් පිරිසිදු කිරීම සහ මාර්ගය දෙපස රුක් රෝපණය කිරීම සිදු කරන ලදී.
වැඩි විස්තර