இந்தத் திட்டத்தின் கீழ் உள்ள விண்ணப்பதாரர்கள் இலங்கையில் தங்குவதை முடிவுக்குக் கொண்டுவர முடிவு செய்தால், எந்நேரத்திலும் தங்களது முழு நிலையான வைப்பையும் மீளப்பெறலாம். எனினும், நிதியை மீளப்பெறுவதற்கு குடிவரவு குடியகல்வு கட்டுப்பாட்டாளர் நாயகம் ஊடாக இலங்கை மாற்றுப் பணக் கட்டுப்பாட்டாளரிடமிருந்து முன் அனுமதி பெற வேண்டும். நிலையான வைப்பிலிருந்து பெறப்படும் வட்டித் தொகையை மீளப்பெற்று விண்ணப்பதாரர்களின் பராமரிப்பிற்காக செலவிடலாம்.

இலங்கையில் செல்லுபடியாகும் மருத்துவக் காப்பீட்டுக் கொள்கையைக் கொண்டிருக்க வேண்டும்.

வதிவிட விசாவை புதுப்பிக்கும் போது இலங்கையிலிருந்து பெறப்பட்ட பொலிஸ் நற்சான்றிதழ்

எந்தவிதமான குற்றச் செயல்களிலும் ஈடுபடக் கூடாது.

இலங்கையில் எந்தவிதமான அரசியல் நடவடிக்கைகளிலும் ஈடுபடக்கூடாது மற்றும் உள்ளூர் மக்களுக்கு உணர்வுபூர்வமான மற்றும் நாட்டின் பாதுகாப்புக்கு அச்சுறுத்தலாகக் கருதப்படும் எந்தவொரு நடவடிக்கையிலும் பங்கேற்கக்கூடாது

இலங்கையில் தங்கியிருக்கும் போது ஊதியம் பெறும் அல்லது ஊதியம் பெறாத எந்தவொரு தொழிலிலும் ஈடுபடக் கூடாது

விண்ணப்பதாரர்கள் இலங்கையின் வரி விதிகள் மற்றும் ஒழுங்குமுறைகளுக்கு கட்டுப்பட்டவர்கள் மற்றும் அவர்கள் தொடர்புடைய வரிகளை செலுத்த கடமைப்பட்டுள்ளனர்.

ஒவ்வொரு விண்ணப்பதாரரும் நிலையான வைப்பு மற்றும் சேமிப்புக் கணக்கு தொடர்பான அரையாண்டு வங்கி அறிக்கையை குடிவரவு குடியகல்வு திணைக்களத்தின் கட்டுப்பாட்டாளரிடம் (விசா) சமர்ப்பிக்க வேண்டும்.

விசா அந்தஸ்தில் ஏதேனும் மாற்றங்கள் ஏற்பட்டாலோ, தனிப்பட்ட தகவல்கள் மாறினாலோ குடிவரவு குடியகல்வு திணைக்களத்தின் கட்டுப்பாட்டாளருக்கு (விசா) தெரிவிக்க வேண்டும்.