இலங்கை இராஜதந்திர தூதரகங்களில் பின்பற்றப்பட வேண்டிய நடைமுறை

• முறையாக பூர்த்தி செய்யப்பட்ட விண்ணப்பப் படிவம் (படிவம் ‘K’- 35 A) மற்றும் ஏனைய ஆதார ஆவணங்கள் இலங்கை தூதரகம் / துணைத் தூதரக அலுவலகத்தில் சமர்ப்பிக்கப்பட வேண்டும்.
• வாடிக்கையாளர் பொறுப்பேற்புப் பகுதியை (CUS) உள்ளடக்கும் வகையில் கடவுச்சீட்டு விண்ணப்பப் படிவம் (படிவம் ‘K’- 35 A) இப்போது திருத்தப்பட்டுள்ளது. இப்பகுதியில் விண்ணப்பதாரர் கையொப்பமிட்டு கொன்சியூலர் அதிகாரியிடம் கையளிக்க வேண்டும். CUS இல் விண்ணப்பதாரரின் கையொப்பம் இல்லாமல் எந்தவொரு விண்ணப்பமும் ஏற்றுக்கொள்ளப்பட மாட்டாது.
• கடவுச்சீட்டு விண்ணப்பத்தை கையளிக்கும் போது பின்பற்ற வேண்டிய நடைமுறைகளை விளக்கும் விசேட அறிவுறுத்தல் குறிப்பு ஒவ்வொரு விண்ணப்பதாரருக்கும் வழங்கப்படும்.
• அச்சிடப்பட்ட விண்ணப்பப் படிவத்தை (படிவம் ‘K’- 35 A) ஒவ்வொரு நாட்டிலும் உள்ள இலங்கை இராஜதந்திர தூதரகம்/ கொன்சியூலர் பிரிவிலிருந்தும் மற்றும் இந்த வலைத்தளத்திலிருந்தும் பெற்றுக்கொள்ளலாம்.

01/01/2018 முதல் புதிய கடவுச்சீட்டு வழங்கப்பட்ட விண்ணப்பதாரர், வருகை தரும் நுழைவுத் துறைமுகத்தில் பின்வரும் நடைமுறைகளைப் பின்பற்ற வேண்டும்.

• பயணி முதன்மை குடிவரவு கவுண்டருக்கு செல்ல வேண்டும்
  அல்லது
  நுழைவுத் துறைமுகத்தில் உள்ள தலைமை குடிவரவு அதிகாரிடம் (CIO) நேரடியாக செல்ல வேண்டும்.
• தனித்துவமான குறிப்பு எண்ணுடன் உயிரியளவு தரவு கையகப்படுத்தல் (BDA) படிவம் பயணிக்கு வழங்கப்படும்,
• பயணியால் BDA படிவத்தின் இரண்டு பிரதிகளில் கையொப்பமிடப்பட வேண்டும்
• உயிரியளவு பதிவு செய்யும் போது குடிவரவு குடியகல்வு திணைக்களத்தில் (DIE) சமர்ப்பிக்க BDA படிவத்தின் ஒரு பிரதி பயணிக்கு வழங்கப்படும்
• மற்றொரு பிரதி விமான நிலையத்தில் வைத்திருக்கப்படும்

• பயணி DIE தலைமை அலுவலகத்திற்கு அல்லது ஏதேனும் பிராந்திய அலுவலகத்திற்கு (மாத்தறை/ கண்டி/ வவுனியா/ குருநாகல்) செல்ல வேண்டும் (View DIE Head Office & Regional Branches)
• OM பிரிவில் ஏற்பாடு செய்யப்பட்டுள்ள விசேட கவுண்டரில் கைவிரலடையாளம் பதிவு செய்யப்படும்
• இந்நிகழ்விற்கான தோராயமான காத்திருப்பு நேரம் 30-45 நிமிடங்கள் ஆகும்.
• பயணி இலங்கையிலிருந்து புறப்பட அனுமதிக்கும் வகையில் எல்லைக் கட்டுப்பாட்டு அமைப்பு புதுப்பிக்கப்படும்.