විදේශගත අයදුම්පත්
විදේශයන්හි පිහිටි ශ්‍රී ලංකා රාජ්‍ය තාන්ත්‍රික දූත මණ්ඩල හරහා නව විදේශ ගමන් බලපත්‍ර ලබා ගැනීම හෝ අලුත් කිරීම, ජෛවමිතික ඇඟිලි සලකුණු ලබා ගැනීමේ ක්‍රියා පටිපාටි, උපකාරක සේවා සහ ගාස්තු පිළිබඳ උපදෙස්.
විදේශයන්හි සිටින අයදුම්කරුවන් සඳහා උපදෙස්
ශ්‍රී ලාංකික පුරවැසියෙකුට තමන් වෙනත් රටක සිටින අතරතුර, එම රටේ පිහිටි ශ්‍රී ලංකා දූත මණ්ඩලය හරහා හෝ (තමන් පදිංචි රටෙහි ශ්‍රී ලංකා දූත මණ්ඩලයක් නොමැති නම්) ආසන්නතම රටෙහි පිහිටි ශ්‍රී ලංකා දූත මණ්ඩලය හරහා නව විදේශ ගමන් බලපත්‍රයක් හෝ විදේශ ගමන් බලපත්‍රය අලුත් කර ගැනීම සඳහා අයදුම් කළ හැකිය. මෙම අයදුම්පත් ආගමන හා විගමන දෙපාර්තමේන්තුවේ ප්‍රධාන කාර්යාලයේ විදේශ දූත මණ්ඩල ශාඛාව මඟින් සකස් කරනු ලැබේ.
ශ්‍රී ලංකා රාජ්‍ය තාන්ත්‍රික දූත මණ්ඩලවලදී අනුගමනය කළ යුතු ක්‍රියා පටිපාටිය
- නිසි පරිදි සම්පූර්ණ කරන ලද අයදුම්පත (‘K’- 35 A පෝරමය) අනෙකුත් ආධාරක ලේඛන සමඟ ශ්‍රී ලංකා තානාපති කාර්යාලය / කොන්සල් කාර්යාලය වෙත භාරදිය යුතුය.
- සේවාදායකයාගේ භාරගැනීමේ කොටසක් (CUS) ඇතුළත් වන පරිදි විදේශ ගමන් බලපත්‍ර අයදුම්පත (‘K’- 35 A පෝරමය) දැන් සංශෝධනය කර ඇත. මෙම කොටසට අයදුම්කරු විසින් අත්සන් කර කොන්සියුලර් නිලධාරියා වෙත භාරදිය යුතුය. CUS හි අයදුම්කරුගේ අත්සන නොමැති කිසිදු අයදුම්පතක් භාරගනු නොලැබේ.
- විදේශ ගමන් බලපත්‍ර අයදුම්පත භාරදෙන අවස්ථාවේදී අනුගමනය කළ යුතු ක්‍රියා පටිපාටීන් පැහැදිලි කෙරෙන විශේෂ උපදෙස් සටහනක් සෑම අයදුම්කරුවෙකුටම නිකුත් කරනු ලැබේ.
- මුද්‍රිත අයදුම්පත (‘K’- 35 A පෝරමය) එක් එක් රටවල පිහිටි ශ්‍රී ලංකා රාජ්‍ය තාන්ත්‍රික දූත මණ්ඩල / කොන්සියුලර් අංශයෙන් සහ මෙම වෙබ් අඩවියෙන් ලබාගත හැකිය.
2018 ජනවාරි 01 වන දින සිට ක්‍රියාත්මක වන පරිදි විදේශගත අයදුම්කරුවන් ශ්‍රී ලංකාවට පැමිණෙන පළමු අවස්ථාවේදී ඔවුන්ගේ ඇඟිලි සලකුණු ලබා ගනු ලැබේ
2018/01/01 දින සිට නව විදේශ ගමන් බලපත්‍රයක් නිකුත් කර ඇති අයදුම්කරුවන් විසින් පැමිණීමේ වරායේදී (Port of entry) පහත සඳහන් ක්‍රියා පටිපාටීන් අනුගමනය කළ යුතුය.
-
මගියා ප්‍රාථමික ආගමන කවුන්ටරය වෙත වාර්තා කිරීමහෝපැමිණීමේ වරායේ ප්‍රධාන ආගමන නිලධාරී (CIO) වෙත සෘජුවම වාර්තා කිරීම.
- සුවිශේෂී විමර්ශන අංකයක් සහිත ජෛවමිතික දත්ත අත්පත් කර ගැනීමේ (BDA) පෝරමයක් මගියා වෙත නිකුත් කරනු ලැබේ,
- මගියා විසින් BDA පෝරමයේ පිටපත් දෙකක අත්සන් තැබිය යුතුය
- ජෛවමිතික ලියාපදිංචි කිරීමේ අවස්ථාවේදී ආගමන හා විගමන දෙපාර්තමේන්තුව (DIE) වෙත ඉදිරිපත් කිරීම සඳහා BDA පෝරමයේ එක් පිටපතක් මගියා වෙත ලබා දෙනු ලැබේ
- අනෙක් පිටපත ගුවන් තොටුපළේ රඳවා ගනු ලැබේ
පිටත්වීමේ වරායේදී ජෛවමිතික දත්ත ලබා දීමට පහසුකම් නොමැත.
ශ්‍රී ලංකාවට ඇතුළු වීමෙන් පසු ක්‍රියා පටිපාටිය - ආගමන හා විගමන දෙපාර්තමේන්තු ප්‍රධාන කාර්යාලයේ හෝ ප්‍රාදේශීය කාර්යාලයේදී:
- මගියා ආගමන හා විගමන දෙපාර්තමේන්තු ප්‍රධාන කාර්යාලය හෝ ඕනෑම ප්‍රාදේශීය කාර්යාලයක් (මාතර/ මහනුවර/ වවුනියාව/ කුරුණෑගල) වෙත වාර්තා කරයි (View DIE Head Office & Regional Branches)
- විදේශ දූත මණ්ඩල (OM) අංශයේ සකස් කර ඇති විශේෂ කවුන්ටරයකින් ඇඟිලි සලකුණු ලබා ගනු ලැබේ
- මෙම කටයුත්ත සඳහා දළ වශයෙන් ගතවන කාලය මිනිත්තු 30-45 කි.
- මගියාට ශ්‍රී ලංකාවෙන් පිටත්ව යාමට අවසර ලබා දීම සඳහා දේශසීමා පාලන පද්ධතිය යාවත්කාලීන කරනු ලැබේ.
සම්බන්ධ කර ගත හැකි පුද්ගලයින්/තොරතුරු
සම්බන්ධ කර ගත හැකි පුද්ගලයින්/තොරතුරු
- නියෝජ්‍ය පාලක - ඩබ්. කේ. එන්. නයෝමි මෙනවිය
- සහකාර පාලක - කේ. බී. ජේ. පෙරේරා මිය
- දුරකථන: +94 11 2101524
- විද්‍යුත් තැපෑල: acom@immigration.gov.lk
විදේශයන්හි පිහිටි ශ්‍රී ලංකා දූත මණ්ඩල වෙත භාරදෙන අයදුම්පත් සඳහා අදාළ ගාස්තු.
පහත චක්‍රලේඛ බලන්න,
උපකාරක සේවා
සහතික කිරීමේ සේවාව
විදේශ ගමන් බලපත්‍රයක ප්‍රධාන දත්ත පිටුවේ පිටපතක් සහතික කරවා ගන්නේ කෙසේද?
සහතික කිරීමේ සේවාව ආගමන හා විගමන දෙපාර්තමේන්තුවේ විදේශ දූත මණ්ඩල ශාඛාව මඟින් සපයනු ලැබේ. (Location & Hours)
මෙම සේවාව ලබා ගැනීමට අවශ්‍ය ලේඛන මොනවාද?
මුල් විදේශ ගමන් බලපත්‍රය සහ සහතික කළ යුතු පිටපත්
මෙම සේවාව සඳහා අය කෙරෙන ගාස්තු මොනවාද?
පරිවර්තන සේවාව
ප්‍රධාන පිටුවේ දත්ත සහ ඊට අදාළ අනුමත කිරීම්වල අරාබි පරිවර්තනයක් ආගමන හා විගමන දෙපාර්තමේන්තුවේ විදේශ දූත මණ්ඩල ශාඛාව මඟින් සපයනු ලැබේ.
මගේ විදේශ ගමන් බලපත්‍රයේ පරිවර්තනයක් ලබා ගැනීමේ ක්‍රියා පටිපාටිය කුමක්ද?
අයදුම්කරු තම විදේශ ගමන් බලපත්‍රය ද සමඟ ආගමන හා විගමන දෙපාර්තමේන්තුවේ ප්‍රධාන කාර්යාලයට පෞද්ගලිකව පැමිණිය යුතුය. (Head Office Battaramulla)
මෙම සේවාව සඳහා අය කෙරෙන ගාස්තුව කොපමණද?
Applying from Abroad or Planning Your Visit to Sri Lanka?
Locate your nearest Sri Lankan Diplomatic Mission, download required forms, or get direct assistance from the Overseas Missions Branch.